Pontevedra, última parada dos viños da D.O. Monterrei

A Denominación de Orixe Monterrei pecha o calendario de accións promocionais para este ano cunha nova iniciativa promocional, en concreto, un Túnel do Viño en Pontevedra o próximo 14 de decembro.

Desde as 17 ás 21 horas, a Galería ‘Espacio Gastronómico’ do Mercado Municipal de Pontevedra acollerá esta acción na que estarán presentes os brancos e tintos de 21 adegas rexistradas na denominación. Dita actividade, na que se cumprirán todas as medidas hixiénico-sanitarias esixidas, está destinada ao sector da distribución, canle HORECA, centros de hostalería, catadoras ou medios de comunicación, entre outros.

Na mesma, os asistentes coñecerán, de primeira man, as peculiaridades do territorio, no referente a chan, clima e variedades de uva, tipoloxías de produto, historia ou tradición vitivinícola, entre outras cuestións. Así mesmo, poderán descubrir o produto que se elabora no territorio, da man das adegas que forman parte da devandita acción: Ladairo, Pazos del Rey, Pazo das Tapias, Gargalo, Castro de Lobarzán, José Antonio Da Silva Pereira (Vinos Lara), José Luis Gómez Ibáñez (Valderello), Crego e Monaguillo, Quinta do Buble, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Abeledos, Tabú, Franco Basalo, Alba Al-Bar (Daniel Fernández), Trasdovento, Fausto Rivero Pardo (Quinta Soutullo) e Manuel Vázquez Losada.

Para participar no Túnel de Viño da D.O. Monterrei en Pontevedra será necesario confirmar asistencia no teléfono 678 577 933 ou info@paadin.es, xa que as prazas son limitadas.