Os viños de Monterrei no ‘ Showroom Vidivinos’ de San Sebastián
Inicio da campaña de vendima na D.O. Monterrei
05/09/2021
Máis de oitenta de profesionais de distribución e canle Horeca coñecen os viños da D.O. Monterrei en San Sebastián
20/09/2021
O martes 14 de setembro, os viños da Denominación de Orixe Monterrei estarán presentes no ‘ Showroom Vidivinos’, que terá lugar en San Sebastián.
Será a segunda ocasión, neste 2021, que os brancos e tintos de Monterrei formarán parte desta acción en ‘ Vidivinos’, destinada ao sector profesional, e que ten por finalidade impulsar a comercialización directa entre produtores e distribuidores.
Esta iniciativa celebrarase no Hotel Londres, de 12.15 a 15 horas e de 17 a 21 horas, e nela estarán presentes os viños de 21 adegas da denominación: Ladairo, Pazos del Rey, Pazo das Tapias, Gargalo, Castro de Lobarzán, José Antonio Da Silva Pereira (Vinos Lara), José Luis Gómez Ibáñez (Valderello), Crego e Monaguillo, Quinta do Buble, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Abeledos, Tabú, Franco Basalo, Alba Al-Bar (Daniel Fernández), Trasdovento, Fausto Rivero Pardo (Quinta Soutullo) e Manuel Vázquez Losada.
A participación en ‘ Vidivinos’ permitirá reforzar a imaxe de marca, ademais de mostrar in situ as características dos viños de Monterrei ao canle HORECA e de distribución de San Sebastián, fidelizar o público consumidor e abrir novas vías de mercado, entre outras cuestións. Durante a xornada, ademais de ofrecer a oportunidade de degustar o produto que se elaborar na denominación, os asistentes poderán descubrir as peculiaridades edafoclimáticas, variedades de uva, tipoloxías de viño, cultura e tradición vitivinícola da denominación.
