A D.O. Monterrei regresa á Barcelona Wine Week

Os viños de Monterrei volverán estar presentes na Barcelona Wine Week, que se celebra entre o 06 e o 08 de febreiro. Trátase da segunda vez que os brancos e tintos da denominación promociónanse neste foro vitivinícola, no que se agarda a participación de 828 adegas e 70 selos de calidade.

A D.O. Monterrei contará cun stand propio, no que todos/as os/as que se acheguen recibirán información sobre a historia e tradición vitivinícola da zona, características edafoclimáticas, variedades de uva ou tipoloxía de viño, entre outras cuestións. Ademais, poderán catar, in situ, as elaboracións das seguintes adegas rexistradas: Ladairo, Pazo das Tapias, Gargalo, Crego e Monaguillo, Quinta do Buble, Terras do Cigarrón, Terrae Monterrei  (Adegas Terrae),  Pazo Blanco Núñez (Tapias Mariñán), Fragas do Lecer, Tabú, Franco Basalo, Alba Al-Bar (Daniel Fernández), Trasdovento e Fausto Rivero Pardo (Quinta Soutullo).

Coa asistencia a esta feira, a D.O. Monterrei pretende incidir sobre o sector profesional, “xa que a última edición contou coa visita de máis de 18.000 profesionais, un 20% procedentes de 79 países, principalmente europeos e estadounidenses”, destaca a presidenta do C.R.D.O. Monterrei, Lara Da Silva. “Por este motivo, a participación da denominación axudará a impulsar novas canles de comercialización e distribución para as nosas adegas, ademais de reforzar a nosa imaxe de marca no mercado nacional e internacional”, finaliza.