O C.R.D.O. Monterrei e o Concello de Verín asinan un convenio de colaboración para a próxima edición da Feira do Viño Monterrei

O presidente do C.R.D.O. Monterrei, Jonatás Gago, e o alcalde de Verín, Gerardo Seoane, ratificaron un convenio de colaboración entre as dúas entidades para a organización da XVII Feira do Viño Monterrei, que se celebrará do 09 ao 11 de agosto.

Este convenio recolle, por escrito, as cuestións das que se fará cargo cada entidade, repetindo deste xeito unha fórmula realizada xa en anos anteriores. Devandito convenio de colaboración refírese a aspectos como montaxe do recinto feiral, actuacións musicais ou publicidade, entre outros.

Con todo, a colaboración entre as dúas entidades, no referente á XVII Feira do Viño Monterrei, esténdese a outros ámbitos como a elección do cartel anunciador, que será presentado en próximas datas