Máis dun centenar de participantes no espazo da D.O. Monterrei en ‘Experiencia Verema Alicante’
Os viños da D.O. Monterrei viaxan a ‘Experiencia Verema Alicante’
17/10/2023
Xantar e a XXVIII Festa da Castaña de Riós, próximas actividades da D.O. Monterrei
30/10/2023
A Denominación de Orixe Monterrei finalizou a súa participación na ‘Experiencia Verema Alicante’, cun enorme éxito de asistencia de público ao espazo da entidade.
Durante toda a xornada, máis de 120 asistentes visitaron a área de Monterrei para coñecer as características do territorio (chan, clima e variedades), historia e patrimonio vitivinícola ou a tipoloxía de viños, entre outras cuestións. Así mesmo descubriron as elaboracións das seguintes adegas rexistradas no Consello Regulador: Ladairo, Pazo das Tapias, Gargalo, José Luis Gómez Ibáñez (Valderello), José Antonio Da Silva Pereira (Vinos Lara), Crego e Monaguillo, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Pazo de Valdeconde, Tabú, Franco Basalo, Alba Al-Bar (Daniel Fernández), Trasdovento, Manuel Vázquez Losada e Manuel Regueiro García (Serra de Alén).
Entre os asistentes ao espazo de Monterrei destácanse representantes dos restaurantes Monastrell, La Vid, Nou Racó, Els Amants, Pópuli Bistró, El Cup, Cosafina Wine & Co Gastrobar, Els Vents, Piripi, Nou Manolín, BonAmb, RqR Gastrobar, Grupo Terre, El Rincón del Faro, Oro Bianco, La Cuina, Noray, Tosca ou da enoteca Vadevins, entre outros.
“Trátase da segunda acción promocional que levamos a cabo con Verema neste ano”, recoñece o presidente do C.R.D.O. Monterrei, Jonatás Gago, “xa que este salón permítenos presentar os nosos viños aos sectores da distribución, importación, restauración, hostalería, así como ao consumidor final”.
